ဘာသာသွေး(ဗုဒ္ဒဘာသာဝင်တိုင်းဖတ်ရှုရမဲ့ဘာသာသွေး)
**********
ဗုဒ္ဓရဲ့အဓိပ္ပါယ်ကနိုးထခြင်း၊အလုံးစုံကို သိမြင်တော်မူသောသဗ္ဗညုမြတ်စွာဘုရားလို့ အဓိပ္ပါယ်ရတာပါ။ အရိယသစ္စာသိပြီး၊သဗ္ဗညုတဥာဏ်တော်ရပြီး ဘုရားဖြစ်မှလူတွေခေါ်ကြတာပါ။တချို့ကတော့ ဂေါတမပေါ့။
ငယ်နံမယ်ကသိဒ္ဓတ္ထ၊ မျိုးနွယ်စုကဂေါတမ၊ သာကီဝင်မင်းမျိုးတွေပါ။ ဘာမှကိုလိုလေသေးမရှိပြည့်စုံတဲ့၊ချမ်းသာ ကြွယ်ဝတဲ့မင်းသားတစ်ပါးပေါ့။သက်တော်(၂၉) နှစ် အရွယ်မှာဒီလောကတစ်ခုလုံးရဲ့ဆင်းရဲလွတ်ရာ နည်းလမ်းကို ရှာဖို့တောထွက်ခဲ့တာပါ။ လောကီရေးတွေ စွန့်မှ သစ္စာတရားကိုရှာနိုင်မယ်ပေါ့။အလုံးစုံပြည့်စုံလှတဲ့ လောကစည်းစိမ်နန်းတော်ထဲကငယ်ရွယ်ပျိုနုတဲ့ အရွယ်မှာ ကာမဂုံချမ်းသာတွေစွန့်လို့၊အဖေါ်မပါ တစ်ကိုယ်ထဲနေပူ၊မိုးရွာမရှောင်တရားတွေရှာလို့၊ ဒုက္ခတွေခံလို့လေ။
ဒီလိုနဲ့ ဒုက္ကရစရိယာ(၆)နှစ်ကျင့်ပြီး၊ ဒီနည်းနဲ့လဲတရားထူးမရနိုင်၊ အလယ်အလတ်လမ်းကို ပြန်ရွေးလို့၊မျှတစွာသုံးသပ်လို့ကဆုန်လပြည့်ည ဗုဒ္ဓဂါယာရဲ့ဗောဓိပင်အောက်မှာ ထက်ဝယ်ဖွဲ့ခွေထိုင်နေတော်မူပြီး အားထုတ်တော်မူတာပါ ။အဲဒီအခါကျမှ တစ်လောကလုံးသိမြင်တော်မူတဲ့ သဗ္ဗညုတဥာဏ်တော်ကြီးပွင့်ထွန်းလို့၊ သစ္စာတရားကိုသိမြင်လို့သဗ္ဗညုဗုဒ္ဓမြတ်စွာ ဘုရားအဖြစ်ကိုရရှိတာပါ။
အဲဒီလောက်အပင်ပန်းခံ၊အဆင်းရဲခံပြီး၊ ဘ၀ပေါင်းအလီလီပါရမီတွေဖြည့်မှရလာရတဲ့ တရားတော်တွေပါ။ တန်ဖိုးရှိလွန်းလို့၊ကြည်ညိုလွန်းလို့၊ အလောင်းတော်ဘ၀နဲ့ရော၊သဗ္ဗညုဘုရား အဖြစ်နဲ့ရောပေါ့။ဗုဒ္ဓမြတ်စွာ တည်ထောင်ခဲ့တဲ့သာသနာ၊ဗုဒ္ဓသာသနာကိုရောပါ။
ယခုအခါမှာတော့သာသနာနှစ် ယုတ်လျော့လာတာနဲ့အညီ၊ဗုဒ္ဓဘာသာဝင်တို့အဖို့ ဘာသာရေးကြည်ညိုမှု အားနဲလာကြတယ်။ယုတ်လျော့လာကြတယ်ပေါ့။ သာသနာရဲ့အသက်ဟာ သုံးပုံအာဂုံဆောင် ရဟန်းတော်တွေပါ။ ရဟန်းတော်တွေရဲ့အသက်ဟာလဲ ၀ိနည်းတော်တွေပါ။ဗုဒ္ဓဘာသာဝင်တွေအဖို့ကတော့ စည်းကမ်းပေါ့။ဝိနည်း၊ စည်းကမ်းတွေအားနဲလာလေ သာသနာ ယုတ်လျော့လေဘဲပေါ့။ဗုဒ္ဓဘာသာဝင်တို့ အထူးသတိပြုရမဲ့အချက်ပါ။
ဒါကြောင့်ဗုဒ္ဓသာသနာပိုမိုထွန်းပြောင်၊ တည်တံ့စေခြင်းအလို့ဌာ တချိန်ကကမ္ဘာက လေးစားလောက်အောင် အသိအမှတ်ပြုကြတဲ့၊ချီးမွမ်းထောပနာပြုကြတဲ့ မန္တလေးမြို့မဟာဂန္တရုံကျောင်းတိုက်နဲ့ ကျောင်းတိုက်အားစည်းစနစ် တကျ၊ကမ္ဘာ့မျက်စိကျလောက်အောင် တည်ထောင်ခဲ့တဲ့အမရပူရမဟာဂန္တာရုံဆရာတော် အရှင်ဇနကာဘိဝံသကို ပူဇော်လျက် ဆရာတော်ဘုရားရဲ့ချမှတ်ထားတဲ့ စည်းကမ်းဝိသေသများကိုထေရ၀ါဒ ဗုဒ္ဒဘာသာဝင်များအထူးပူဇော်၊ လိုက်နာ ကျင့်သုံးနိုင်ရန်အလို့ဌာ ဤစည်းကမ်းဝိသေသ(၁၀)ချက်ကိုပူဇော် ရေးသားတင်ပြလိုက်ရပါတော့တယ်။
(၁)းးး စိတ်ကောင်းရှိဖို့ကပထမ ရှောင်ရန်စိတ်ထားများ (က) အကြီးကအငယ်ကိုနိုင်၊အငယ်က အကြီးကိုမရိုသေဆိုတဲ့စိတ်မျိုး၊ (ခ) ကိုယ့်ထက်သာသူကိုမနာလိုတဲ့ စိတ်မျိုး၊ (ဂ) ဥာဏ်၊၀ီရိယကောင်းသူကို တိုးတက်မှာစိုးတဲ့စိတ်မျိုး၊ (ဃ) အလွန်သိသာထင်ရှားတဲ့တဏှာရာဂ စိတ်မျိုး၊ (င) ဂုဏ်နဲ့လာဘ်ကိုအလွန်လိုလားတဲ့ လောဘစိတ်မျိုး၊ (စ) ပြင်းထန်တဲ့ဒေါသစိတ်မျိုး၊ (ဆ) ပြင်းထန်တဲ့မာန်မာနစိတ်မျိုး...စတဲ့ စိတ်ယုတ်မာတွေပါ။
လိုက်နာကျင့်သုံးအပ်တဲ့ စိတ်ထားများ (က) ဆရာပီပီ၊တပည့်ပီပီရိုသေ လေးစားတဲ့မေတ္တာစိတ်မျိုး၊ (ခ) သူတပါးပညာတတ်သည်။ ချမ်းသာကြွယ်ဝလာစေသည်(လာဘ်ပေါသည်)ကို ၀မ်းမြောက်တဲ့ မုဒိတာစိတ်မျိုး၊ (ဂ) ဘုရား၊ဘာသာ၊သာသနာ၊ ကြီးသူတို့ရဲ့ဝေယျာဝစ္စကိုစိတ်ပါလက်ပါ ပြုလုပ်လိုတဲ့စိတ်မျိုး၊ (ဃ) သဒ္ဓါတရားကောင်းတဲ့စိတ်မျိုး၊ (င) ပျော့ပြောင်းနူးညံ့တဲ့စိတ်မျိုး၊ (စ) အပါယ်လေးပါးကြောက်တဲ့စိတ်မျိုး၊ (ဆ) မဂ်ဖိုလ်နိဗ္ဗာန်ကိုလိုလားတဲ့စိတ်မျိုး ...စတဲ့စိတ်သူတော်လေးတွေပါ။
(၂)းးး စည်းကမ်းလေးစားဖို့ကဒုတိယ ရဟန်းသာမဏေမှန်လျှင်ဘုရားရှင်ရဲ့ ၀ိနည်းသိက္ခာတော်ကိုလိုက်နာမှာသာ အပယ်လေးပါးကလွတ်ပြီး၊ သာသနာတော်မကွယ်အောင်လဲ စောင့်ရှောက်နိုင်မှာပါ။သာသနာတော် တာရှည်တည်တံ့ဖို့ဖြစ်တဲ့အသက်ဟာ ၀ိနည်းသာဖြစ်ပါတယ်။ ထို့အတူ တိုင်းပြည်တစ်ပြည်၊မြို့တစ်မြို့၊ အိမ်ထောင်တစ်စု၊ပုဂ္ဂိုလ်တစ်ဦးစီမှာလဲ စည်းကမ်းဟာ အသက်ပါဘဲ။စည်းကမ်းရှိမှ၊လူ့ကျင့်ဝတ် လေးစားမှအရာရာတည်တံ့ခိုင်မြဲပြီး ပျက်သုဉ်းခြင်း ကင်းဝေးမှာပါ။
(၃)းးး ကျန်းမာဖို့ကတတိယ စိတ်ကောင်းရှိရုံ၊စည်းကမ်းလေးစားရုံနဲ့ မပြီးပါဘူး။ထိုနှစ်ပါးညီညွှတ်ပြီးကျန်းမာနေဖို့ကလဲ အရေးကြီး ပါတယ်။နာမကျန်းဖြစ်နေရင်ဘာကိုမှ မလုပ်နိုင်တော့ပါဘူး။
(၄)းးး သန့်ရှင်းဖို့ကစတုတ္ထ မကျန်းမာရတဲ့အကြောင်းတွေထဲမှာ မသန့်ရှင်းမှုကလဲအကြောင်းတစ်ခုပါဘဲ။ဥတုနဲ့ လျော်ညီအောင် ရေမှန်မှန်ချိုးလို့၊တကိုယ်ရေသန့်ရှင်းစေပြီး၊ အ၀တ်၊အခန်း၊အိမ်ကျောင်းပတ်ဝန်းကျင် ကိုသန်ရှင်း စေရပါမယ်။မိမိနေရာတစ်ခုလုံး၊ခန္တာ တစ်ခုလုံးသင်းပြန့်မွှေးကြိုင်စေပြီး၊လုပ်ရည် ကိုင်ရည်လဲတိုးလာမှာ ဖြစ်ပါတယ်။ များသောအားဖြင့် သန့်ရှင်းခြင်းရဲ့အကျိုးကို မသိလို့ သန့်ရှင်းအောင်မကြိုးစားကြတာပါ။
(၅)းးး အ၀တ်နဲ့အစားတတ်ဖို့ကပဉ္စမ ရဟန်းတော်များအနေနဲ့သင်္ကန်းကို ရဟန္တာများရဲ့တံခွန်အောင်လံ လို့ခေါ်ပါတယ်။ မတိုမရှည်၊ညီညီဝတ်တတ်ဖို့လိုပါတယ်။ အရောင်ရင့်ရင့်ဆိုးတဲ့သင်္ကန်းကို သိက္ခာပုဒ်တော်များနဲ့အညီ ၀တ်တတ်ဖို့နဲ့စည်းကမ်းတကျအသံ တိတ်တိတ်ဆိတ်ဆွမ်းစားတတ်ဖို့လိုပါတယ်။ လူပုဂ္ဂိုလ်များအဖို့လဲအ၀တ်ကို သူ့နေရာနဲ့သူ၊သန့်သန့်ရှင်းရှင်းသေသေသပ်သပ် ၀တ်တတ်ဖို့လိုပါတယ်။ ဥတုနဲ့လျော်ညီအောင်စနစ်တကျ စားတတ်ဖို့လိုပါတယ်။
(၆)းးး အနေအထိုင်တတ်ဖို့ကဆဋ္ဌမ အသင်အပြမရှိရင် ၀ါကြီးသူ။ ကိုယ့်ထက်ကြီးသူ၊ဆရာသမားတို့ရဲ့အနီးမှာ လေးလေးစားစားနေနည်း၊ ထိုင်နည်းမသိကြပါဘူး။မရကြပါဘူး။ လက်ဦးဆရာမိဘမှအစပြုပြီး ဆရာသမားကောင်းတွေ လိုပါတယ်။
(၇)းးး အပြောအဆိုတတ်ဖို့ကသတ္တမ ရဟန်းတော်များအနေနဲ့ယခုအခါမှာ လူလူချင်းပြောကြသလို မင်းနဲ့ငါနဲ့ ဆိုတာတွေ ပြည့်လျှံလို့ နေပါပြီ။ရှောင်ကျဉ်ရပါမယ်။ တပည့်တော်၊ အရှင်ဘုရား၊ကိုရင်၊ဦးဇင်း၊ဘုန်းကြီး စသဖြင့် ၀ါစဉ်အရ ယဉ်ယဉ်ကျေးကျေးသုံးရပါမယ်။ လူပုဂ္ဂိုလ်များအနေနဲ့လဲ ဟေ့ကောင်၊ ဟိုကောင်၊ဒီကောင်၊မင်းငါ စတာတွေအစား ဘကြီး၊ဦးကြီး၊ အကိုကြီး။ညီလေး၊အဒေါ်ကြီး၊အဒေါ်၊ အမကြီး၊ညီမလေး စသဖြင့်ယဉ်ကျေးချစ်ခင် နှစ်လိုဖွယ် ပြောဆိုတတ်ရပါမယ်။
(၈)းးး အသွားအလာတတ်ဖို့ကအဋ္ဌမ ယခုအခါရဟန်းတော်တွေဆွမ်းခံကြွရာမှာ တစ်ပါးနဲ့တစ်ပါးရင်ဘောင်တန်းလို့၊ စကားတွေပြောလို့၊ မျက်စိကကျီးကန်းတောင်းမှောက်နဲ့ ကိုယ်အမူအယာတွေကလဲလှုပ်ခါရမ်းပြီးအတော့ကို ကြည့်ရရုပ်ဆိုး နေပါပြီ။ကျမ်းစာများနဲ့အညီဘုရားရှင်မြို့ထဲ ကြွသည့်အလားရှေ့နောက်တန်းလို့၊ သေသေသပ်သပ် ၀တ်လို့၊တည်တည်ငြိမ်ငြိမ်စက္ခုကိုချလို့ သိက္ခာရှိရှိ၊လူရှင်ရိုသေအောင် သွားလာတတ်ရပါမယ်။ လူပုဂ္ဂိုလ်များအဖို့လဲ ရဟန်း၊သာမဏေ၊ လူကြီးသူမကအစကိုယ့်ထက်ဝါကြီးသူများအနီးမှာ သော်၎င်း၊အဝေးမှာသော်၎င်းရိုရိုသေသေ၊ တည်တည်ငြိမ်ငြိမ်၊ရှပ်တီးရှပ်ပြာမနေဘဲ သွားလာသင့်ပါတယ်။
(၉)းးး စည်းကမ်းလိုက်နာဖို့ကန၀မ စည်းကမ်းတွေလေးစားရုံနဲ့မပြီးသေးပါဘူး။ လိုက်နာကျင့်သုံးကြရပါမယ်။ရှေးလူကြီးများ၊ ဆရာသမားများရဲ့ကောင်းတဲ့စည်းကမ်းထုံးစံ ဥပဒေတွေကိုနောက်လူများကလိုက်နာဖို့ တာဝန်ရှိပါတယ်။ သူ့စည်းသူ့ကမ်းနဲ့မလိုက်နာနိုင်ရင် သူ့နေရာမှာရေရှည်နေဖို့မလွယ်ပါဘူး။ဒါကြောင့် စည်းကမ်းလိုက်နာ တတ်ဖို့ကလဲအရေးကြီးပါတယ်။
(၁၀)းးး စာတတ်ဖို့ကဒသမ အများအယူအဆကတော့စာတတ်ဖို့က ပထမလို့ယူဆကြဟန်တူပါတယ်။ဒါပေမဲ့ စိတ်ကောင်းမရှိဘဲ စာတတ်လဲအလကားပါဘဲ။စည်းကမ်းမရှိဘဲ စာတတ်လဲအလကားပါဘဲ။ထို့အတူ နာမကျန်းဖြစ်နေရင်၊ ညစ်တီးညစ်ပတ်ဖြစ်နေရင်၊၀တ်ပုံစားပုံ မတတ်ရင်၊အနေအထိုင်မတတ်ရင်၊မပြောအဆို မတတ်ရင်၊ အသွားအလာမတတ်ရင်၊စာတွေ ဘယ်လောက်တော်တော်အလကားပါဘဲ။ ကိုယ့်အကျိုးသူ့အကျိုး ဘာတစ်ခုမှမပြုနိုင်ပါဘူး။စိတ်ကောင်းရှိမှု စသဖြင့်အားလုံးပြည့်စုံမှစာတတ်ရကျိုးနပ်မှာပါ။ ဒါကြောင့် စာတတ်ဖို့ကိုနောက်ဆုံးမှာ ထားတာပါ။
ကဲ-ဒီလောက်ဆိုဆရာတော်ရဲ့အတုယူ၊ လိုက်နာဖွယ်နည်းနာတွေသိလောက်ပြီထင်ပါတယ်။ ဒါနဲ့ထပ်ပြောပါဦးမယ်။ဆရာတော်ရဲ့အဆိုအရ စာမတတ်လို့အပါယ်မကျပါဘူး၊စိတ်ကောင်းမရှိရင် ၊ ၀ိနည်းစည်းကမ်းမလေးစားရင် အပါယ်ကျနိုင်ပါတယ်။ဒါကြောင့်စာတတ်မှုဟာ စိတ်ကောင်းရှိမှုလောက် အဖိုးမတန်၊အရေးမကြီးပါဘူး တဲ့။မှတ်သားဖွယ် အင်မတန်ကောင်းပါတယ်။
ရဟန်းသာမဏေ၊သူတော်စင် အပေါင်းနဲ့ ထေရ၀ါဒဗုဒ္ဒဘာသာဝင်အပေါင်းတို့ လေးသင်္ချေနဲ့ ကမ္ဘာတစ်သိန်းပါရမီအဟုန်နဲ့နောက်ဆုံးဘ၀မှာ အကောင်းတကာ့ကောင်းဆုံးစင်္ကြာထိုက်လောက်တဲ့ လောကစည်းစိမ်ကိုစွန့်ပြီး၊ဒုက္ခခံ၊အပင်ပန်း အဆင်းရဲခံခဲ့ပြီး၊လူတွေရဲ့အကျိုး သတ္တ၀ါတွေရဲ့အကျိုး (၄၅)၀ါတိုင်တိုင်မနားမနေကြိုးစားအားထုတ်ခဲ့တဲ့ တည်ထောင်ခဲ့တဲ့ထေရ၀ါဒဗုဒ္ဒသာသနာကိုအရှည် တည်တံ့ပြန့်ပွားနိုင်စေရန်၊စွမ်းစွမ်းတမံ ရွက်ဆောင်နိုင်ကြပါစေရန် ဆုမွန်ကောင်းတောင်းလိုက်ပါတော့တယ်။
နှလုံးစိတ်ဝမ်းအေးချမ်းကြပါစေ....။ (မေးထဲကမှတ်စုများ)
No comments:
Post a Comment